【明報即時】張頴康《反黑英雄》中湊仔錯漏百出 麥雅緻讚現實中相反 麥雅緻讚丈夫張頴康照顧得3個仔女十分好。（麥雅緻Ig圖片）張頴康在昨晚播出的新一集《反黑英雄》中成為「搞笑擔當」，劇情講述他飾演的威Sir在老婆珊珊（傅嘉莉飾）外出工作後，要分擔照顧3名子女的工作，卻因為沒經驗而錯漏百出，被孩子們不停埋怨。飽受疲勞轟炸的威Sir眉頭深鎖、疲態盡現，更數度露出「靈魂出竅」般的表情。張頴康表示昨晚與自己的3名子女一同看《反黑》，結果2名年幼兒子與劇中3名小演員巧合地齊齊叫爸爸。他說：「我聽到好似有5個人叫緊我爸爸咁，我真係好驚呀，原來超過3個小朋友齊齊嗌爸爸係好驚㗎！」麥雅緻（Angie）讚丈夫照顧小朋友有一手：「阿康好盡責，照顧得啲小朋友好好，好多時都可以一打三。不過，佢主要係玩樂組，基本上小朋友想做乜開心嘢，佢都會Ok嘅。佢少啲處理啲鎖碎嘢，通常都係我處理開，呢個係我哋嘅分工。」Angie說丈夫工作較繁忙，故會將私人理財事交給她一併負責。她說：「有時銀行要佢確認有幾多張卡，佢都會叫對方等等，然後問：『老婆，我呢間銀行有幾多張卡。』」張頴康感謝老婆對自己的照顧：「其實我老婆唔止打理小朋友，佢仲有一個隱藏大仔，嗰個大仔就叫張頴康，佢最辛苦係要打理埋佢。」 （即時娛樂）张颖康
【明報即時】張頴康《反黑英雄》中湊仔錯漏百出 麥雅緻讚現實中相反
