陳豪爆大仔「孤寒」二仔理財有一手:每一個仙都計算住陳豪今日(18/7)現身機場出席理財產品活動,他接受《香港01》訪問時表示:「自己喺投資方面比較保守,而太太就比較進取啲,變咗我哋互補不足。雖然咖啡店我已經開到第6間,但喺今時今日嘅經濟狀況下,我哋都係步步為營。(點樣教育小朋友理財?)其實上年帶佢哋去歐洲旅行,已經畀咗啲零用錢佢哋買嘢。佢哋3個嘅性格,喺消費嘅模式直接反應出嚟。」陳豪今日出席活動。(葉志明攝)陳豪續說:「好似大仔咁,佢就比較『孤寒』,係慳儉嘅人嚟。試過喺葡萄牙佢好鍾意食沙甸魚,面前有三種唔同價錢嘅沙甸魚,佢會諗好耐,最終佢係會揀中間價嘅沙甸魚。二仔佢就每一個仙都會計算住,去到一蚊店,佢會計到盡。我同佢講你買完都會當垃圾掉,佢就話最緊要平。相反細女為咗要食,佢就唔會計價錢。」陳豪爆大仔二仔理財有一手。(葉志明攝)陳豪Moses陈豪
陳豪爆大仔「孤寒」二仔理財有一手:每一個仙都計算住
![](https://todaynews-48.com/wp-content/uploads/2024/07/67ed1b21gy1hrsolot0o7j20qo0f0ab0.jpg)