方力申尖沙咀茶檔挑戰50蚊食到飽　點知唔夠錢飲嘢…

方力申尖沙咀茶檔挑戰50蚊食到飽　點知唔夠錢飲嘢…方力申入行24年，成為藝人後吸金力強，加上投資有道，家中有無數藝術品珍藏，又以近半億購入元朗一間獨立屋，一直被指是圈中著名的「隱形富豪」。小方前日（19日）在內地短片頻道上載影片，挑戰在香港用50元開餐，結果令他大感震驚。小方與不少藝人一樣，到尖沙咀海防道熟食中心拍片，今次他以「經費緊張的一天，50元挑戰香港吃到飽」為主題，嘗試在場內搵食，最後揀了一間茶檔，睇完餐牌後，他發現食炒嘢要65元，已超過預算，只能選麵食，最後他嗌了一碗42元的雲吞麵，想嗌飲品都不夠錢，小方無奈笑說食完到外面買嘢飲。期間小方提到自己平日斷食，笑稱是省錢方法：「原來我現在才知道香港吃東西那麼貴，幸虧平常的我是一天吃一頓飯，斷食。可能我現在要重新的再斷食，兩日吃一頓。」他又笑言後悔沒有帶自己個銀包，沒辦法再點餐，小方之後開餐，因為聽從老闆推薦加辣椒油，未知是否太辣，一度臉有難色，卻因為沒有嗌飲料，惟有齋食。小方有新挑戰。50蚊真係可以食飽？乾炒牛河都食唔到。揀咩好？就雲吞麵。齋食。隊晒佢！佢連嘢都冇得飲。方力申