JW甩拖寄情搞生意 飲品店望進軍東南亞藝人王灝兒（JW)今日（28日）現身屯門為第三間自己投資的飲品店主持簡單的開幕儀式。JW笑言對今次新開這間店的地址最滿意，又言會希望繼續擴充分店，透露已經與馬來西亞和菲律賓等地的代理商商談。提到JW與男友分手，她笑言有更多時間投入自己工作：「我成日都唱歌同拍劇，但依家就試埋做其他生意，會學多啲嘢，我覺得到我依家呢個年紀係應該要試多啲唔同嘅嘢。（會唔會覺得好攰要兼顧咁多工作？）唔會啊，我覺得好有趣，因為係呢個過程真係學到好多嘢。」她指現在對於談戀愛抱順其自然的態度，問到有沒有追求者？她笑說：「順其自然，如果你好開心嘅話，就會吸引到同你同頻的人。（有新戀情會公開？）所有感情事一律低調處理。」至於談到JW 的《愛·回家之開心速遞》主題曲被姚焯菲取代，她謂歌曲已經足足播放了一千集，已經好幸運：「因為過去3年有好多人分享自己小朋友聽住我首歌跳舞嘅片畀我，我覺得好感動，（會唔會有少少失落？）真係冇，因為我係好替姚焯菲高興，同埋一首歌都唔可以播得咁耐啦。」JW飲品生意開第3間分店。她笑言分手後有更多時間投入工作。對戀愛抱順其自然態度。JW
JW甩拖寄情搞生意 飲品店望進軍東南亞
