鮮娛糧丨袁偉豪張寶兒被集郵　四川出巡一眼被認出係TVB藝人

鮮娛糧丨袁偉豪張寶兒被集郵　四川出巡一眼被認出係TVB藝人藝人袁偉豪同港姐太太張寶兒結婚3年半，囝囝「袁咕碌」去年11月出世，一家三口勁幸福，而袁偉豪亦出名係愛妻號，顧家得嚟又瞓身搵奶粉錢，近年亦開拓內地市場，人氣同知名度急升。近日就有網友喺四川成都偶遇袁偉豪同張寶兒現身，仲留言寫道：「在成都太古里遇到TVB演員，知道是誰不 #成都太古里 #春熙路 #周末去哪里 #TVB演員 #明星」袁偉豪同張寶兒難得冇帶BB出巡。靚仔靚女一睇就知係明星！成條街都爭住集郵。見袁偉豪同張寶兒一身情侶裝上陣，同以earth tone鬆身打扮示人，真係一睇就知係明星，大街上亦有大批路人捉住佢哋合照集郵，張寶兒更係被大讚好靚女，身材好Fit，生完BB都恢復得咁好，袁偉豪同樣精神十足、難擋帥氣，難怪二人出街都立即被認出。張寶兒一直都咁索，依家好似冇生過一樣。靚女出街本身就會被集郵。袁偉豪勁型。