無綫監製王心慰榮休宴 「鐵馬家族」鄭嘉穎唐詩詠隔開坐好傾啲？鄭嘉穎同老婆陳凱琳可能要安頓好屋企嘅小朋友先出門，所以最遲到場。（梁碧玲 攝）無綫監製王心慰（Amy姐）榮休，今晚（2日）喺將軍澳延開10席，邵美琪、馬德鐘、方中信、姜大衛、唐詩詠、鄭嘉穎、陳凱琳、馬德鍾、黃建東、樊奕敏、車婉婉、譚凱琪、賴慰玲，助理總經理曾姐及多名監製、導演均有到場祝賀。而身為Amy姐御用演員嘅陳展鵬，日前已出發紐約，為國際華裔小姐任嘉賓，所以未能到場。馬德鐘一早到場。（梁碧玲 攝）楊明同莊思明親親合照。（梁碧玲 攝）黎燕珊都有出席。（梁碧玲 攝）「鐵馬家族」嘅唐詩詠同鄭嘉穎，雖然被安排坐埋同一席，但同老婆姍姍來遲嘅鄭嘉穎，到場後先與Amy姐寒暄，之後再搵珍姐打招呼。入席後，鄭嘉穎與唐詩詠未有坐埋一齊，中間亦「加插」了方中信。唐詩詠曾經與Amy姐喺《最美麗的第七天》、《我家無難事》、《同盟》合作。（梁碧玲 攝）《鐵馬尋橋》當中的鄭嘉穎、馬國明、黃嘉樂、林子善與唐詩詠，因在劇中演兄弟姊妹建立出感情，眾人組成的「鐵馬家族」經常聚會。唯大哥鄭嘉穎近年多次缺席，去年更因缺席馬國明與湯洛雯海外婚禮，而引起不少風浪。影大合照時，鄭嘉穎、唐詩詠都無企埋一齊。（梁碧玲 攝）「鐵馬家族」鄭嘉穎唐詩詠，二人同檯但未見有交流。（梁碧玲 攝）方中信可能想同鄭嘉穎傾偈？！（梁碧玲 攝）#王心慰#唐诗咏郑嘉颖
無綫監製王心慰榮休宴 「鐵馬家族」鄭嘉穎唐詩詠隔開坐好傾啲？
