靚女着數多 江嘉敏郭柏妍內地拍劇有奇遇無綫藝人江嘉敏、郭柏妍、何依婷、陳曉華、何廣沛、羅天宇、陳浚霆等現時正於內地為新劇《金式森林》拍攝，劇中他們飾演豪門一家，當中甚多大堆頭戲份，故一班後生仔女合作得相當愉快。江嘉敏與郭柏妍兩位傻大姐日前放工孖住去吃飯，搭車時只用了$0.57，二人齊表嚇親。江嘉敏接受東網獨家訪問時被問到是否靚女有着數時，她謂：「我都唔知點解咁平，初頭仲以為㩒錯制，㩒咗幾次都係呢個價錢，因為我哋唔係搭的士，係CALL車，搭咗大約10分鐘車程，唔通係新客戶有折頭?依家都未知點解。」今次是嘉敏首次到內地拍劇，已經拍了半個月的她，即將返港，她又謂：「返到去我又要氹番我隻貓，(交畀家人照顧?)係呀！依家交由我細妹照顧住先。」而陳浚霆日前「萬歲」請大家食好西，反而慘遭何廣沛於社交平台PO出搞笑食相，更配文：「沒有形象可言」，相當抵死。一班後生演員合作拍劇，係開心嘅！好多嘢食喎！江嘉敏劇中好多靚衫着，仲性感示人。郭柏妍日前於社交網PO美照。何廣沛多謝劇中細佬陳浚霆請食嘢！但係就PO佢張咁嘅相。江嘉敏郭柏妍
靚女着數多 江嘉敏郭柏妍內地拍劇有奇遇
