梁諾妍洪永城帶囡囡泰國旅行　成功「打大佬」

梁諾妍洪永城帶囡囡泰國旅行　成功「打大佬」梁諾妍與老公洪永城最近帶大囡「Sir Face」到泰國曼谷和芭堤雅旅行，成功完成6日「打大佬」之旅，旅程圓滿結束，相當開心。期中最特別是帶女兒到野生動物園，近距離接觸動物，體驗相當有趣，她說：「個女好開心，我比個女更開心，見到我最鍾意嘅貓頭鷹。第一次餵老虎BB、長頸鹿、獅子、河馬，Sirface除咗餵獅子其他動物都唔驚，都算叻叻，我決定每次同啲女嚟Bangkok都要去一次Safari World。」老虎BＢ爭奶飲。仲有斑馬。總結6日旅程完結，她笑言與老公的能量bar也圓滿結束：「今次得我哋2個帶住Sirface出國，我覺得算唔錯，只不過係真係可以因為湊佢，忙到電話都冇時間用到咁啫。好彩Sirface好識表達自己，都算懂事聽話，同埋已經potty trained，喺佢每次同我講急，我都要9秒9衝去洗手間，又有時天氣熱得滯Sirface熱到吽咗，整體嚟講都好開心。」餵長頸鹿。一家人去旅行永逺都咁開心。帶小朋友去旅行過程一定辛苦，但父母見小朋友開心，自然也開心，她說：「見佢開心，我就開心，呢幾日，日日夜夜去邊都攬住佢，真係幾攰都值得。」Sir Face 2.0未去得旅行住，視像都咁開心。Sir Face 好乖巧，有家姐風範。#梁诺妍#洪永城