【明周】胡定欣提早搞Fans Club生日會 忍住眼淚聽粉絲分享經歷

【明周】胡定欣提早搞Fans Club生日會 忍住眼淚聽粉絲分享經歷胡定欣九月九號才生日，不過一向愛護粉絲的她，每年都會提早在八月跟大家慶生，無他，因為粉絲大多都是學生，九月要返學，不如八月暑假可以玩得盡慶啲；今年，定欣踏入43歲，亦一如過往在八月慶祝，今天她更在社交網貼出跟粉絲開心辦Fans Club生日會，定欣除了同大家玩遊戲，又現場唱吓歌，她更寫上文章分享心情：「每年8月中都會提前跟你們過（因為部分要準備開學）今年已經係第N次辦Fans Club生日會確實我對生日會嘅感受有所不同重點唔係我生日而係一個朋友/家庭聚會因為你哋大部分支持我10年以上你哋寫俾我嘅信同心意卡入面都會提到你哋由小學中學到大學甚至乎今日已經出嚟社會工作一直支持我至今這幾年的信入邊睇到最多英文字不是Support You不是I love you而係 DSE 😂snapinsta-app_456443303_508036848443413_2806613002366535971_n_1080你哋同我講每當你哋感到沮喪每當你哋遇到想放棄每當你哋諗唔通你哋會諗起我我嘅工作演出我嘅人生態度我同你哋講過嘅每一句鼓勵說話我哋一齊經歷過嘅每一個moment都成為咗你哋嘅精神支柱你哋撐落去嘅動力我想向你哋講你哋俾我更叻你哋俾我做得更好已經做得好好能夠成為你哋嘅精神支柱真的真的係我嘅福氣生日會上面你哋逐個同我分享我對你嘅影響有幾深心入面確實好感動我要忍住眼淚去聽因為當中那份影響遠遠超出我想像多謝你哋！多謝你哋支持我！多謝你哋俾我支持你哋！大家一齊努力！祝願你哋每一位身體健康，開開心心🤪🫶🏽BE TRUE」胡定欣