黃宗澤陳家樂新片掀炒風 馬來西亞首映癱瘓交通藝人黃宗澤、陳家樂前晚於馬來西亞為英皇電影《紮職3》，進行首映宣傳活動，現場非常墟冚，期間更有舞獅助慶，雖然下着雨，但仍無減一眾粉絲的熱情。進場時Bosco亦好識手跟大家握手打招呼，他接受東網訪問時謂：「我哋都好趕，今日已經轉戰檳城，我都好耐冇嚟馬來西亞，電影首映活動更係第一次做，現場好墟冚，仲好唔好意思，搞到現場塞晒車添，好大型，又舞龍舞獅！反應好好，呢度所有院線都爆晒，呢邊戲飛仲出現炒黃牛，佢哋都話係第一次見。」黃宗澤在馬國為新片造勢。現場雖然落雨，但仍無減一眾粉絲的熱情。Fans逼滿商場霸位，場面墟冚。黃宗澤昨日轉戰檳城，繼續宣傳之旅。馬國搵奶粉錢新手爸爸陳家樂已留守馬國拍劇多時，愛女Camila出生數天便要離家搵奶粉錢，當然思家。前晚司儀提到與太太連詩雅及愛女視像通話，家樂有點尷尬，只簡單說：「有嘅、有嘅。」又以馬來西亞話自我介紹：「我係Saya keluarga gembira（意指家庭快樂），唔啱咩？我叫家樂嘛！即係家庭快樂啦！」談到拍攝經過，他打趣自嘲「佗衰家」：「有場戲一Shot直落，佢哋擺我喺最尾，點知把道具刀一劈落去就斷咗，真係不負眾望被我搞砸成件事，要Take 2再嚟過！」陳家樂已留守馬國拍劇多時。陳家樂努力搵奶粉錢。黄宗泽
黃宗澤陳家樂新片掀炒風 馬來西亞首映癱瘓交通
