蔡潔丁子朗上水廣場獻聲　與現場觀眾大玩運動遊戲

蔡潔丁子朗上水廣場獻聲　與現場觀眾大玩運動遊戲藝人蔡潔與丁子朗及香港賽艇運動員趙顯臻，今日（31日）到上水廣場，出席《Summer E-Sport齊撐運動員狂熱派對》，現場獻唱歌曲並跟現場觀眾大玩運動遊戲，吸引大批粉絲到場支持。蔡潔與丁子朗到場。同場仲有香港賽艇運動員趙顯臻（中）。蔡潔現場唱新歌，表現淡定。丁子朗即場獻聲。現場觀眾大玩運動遊戲！蔡潔大展身手。成唔成功呢？香港賽艇運動員趙顯臻。早前一圓心願推出首支單曲的蔡潔，唱出新歌《Lost in the Night》，她表示是第2次於現場唱新歌故心情緊張，不過演出時即表現淡定，還邊唱邊向現場觀眾派心，完成後即抒一口氣，笑指唱錯一句歌詞，不過已比上次有進步，因不用看貓紙，並給予自己70分。她透露平日會透過運動、做瑜伽去釋放壓力，問到若拍劇埋位前感到壓力怎麼辦？她表示會提醒自己放鬆：「緊張係正常，調整心態好重要，我會搵個朋友或者拍檔同佢講『我好緊張』，只要接受咗自己好緊張嘅事實，好快就會冇咗壓力。」她受訪表示雖然能圓夢出歌，但坦言仍未敢以歌手自居，亦有留意網民對新歌評語，感謝很多人也給予正評，希望之後能再有機會為唱劇集歌，又透露近期主力在內地為電影開工，稍後會進劇組，問她只顧工作不用拍拖？她笑笑口擰擰頭説：「隨緣啦！」蔡潔未敢以歌手自居。至於丁子朗表示早前完成新劇《香港探秘地圖》拍攝，笑言或因拍劇令睡眠不足令體重下降，一直努力做Gym操出來的理想身形消失了，令他又有藉口加操操肌。他高興表示即將推出首支個人單曲：「錄完歌MV拍拍緊，依家擇好個日就，我當然希望9、10月出，因為年尾想再出一首，不過都睇下第一首嘅反應先。」他表示新歌是自己填詞，講述自己的戀愛經歷，笑指最擔心不是爆惜日感情事，而是自己的文筆能否過到聽眾那關。丁子朗睡眠不足令體重下降。蔡洁丁子朗