【明報即時】李克勤上海巡唱變全紅嬋 狂收公仔 帶鋸琴藝術家澳門開騷 李克勤在上海開騷期間，不停收到歌迷送贈的公仔。（大會提供）李克勤最近參加最新一季《披荊斬棘的哥哥》，同步他的《我們的交響樂世界巡迴演唱會》不停進行，上周剛完成上海站，9月21日及22日到澳門倫敦人開騷，克勤笑言自己忙到連呼吸都沒時間。談到上海站巡唱，克勤笑言最難忘歌迷不停拋公仔上台，他說：「已經不是第一次，上兩站都有歌迷想送禮物畀我，就咁拋上台，我身手反應都勁㗎，我打開波嘛，一手就接住，唔知佢哋係咪覺得咁樣好好玩，今次上海站特別多，真係拋咗幾十隻上嚟咁滯。（當你是全紅嬋？） 唔係啩？係咪𠵱家流行咁樣啊？可能歌迷心目中我仲未長大，或者送畀我囝囝，無論係送咩畀我都好，我都開心，其實唔止公仔，歌迷仲送咗個好靚蛋糕比我，好有心思。」是次上海演唱會，克勤於管樂中，加了一位用鋸琴的老師，他說：「佢都係一位藝術家，琴技非常精彩，9月中我再返澳門站演出，2場我都會帶埋鋸琴老師去，畀大家欣賞佢精彩技術，所以香港歌迷朋友，記得唔好錯過，過澳門嚟欣賞，歌單都會有少少新改動，我估大家會滿意。」上海站演出之後，克勤表示因為工作忙少見家人，所以放2日假，帶媽咪於上海遊玩，他說：「食下嘢同周圍行下，點忙都要搵時間陪下家人。」（即時娛樂）李克勤
【明報即時】李克勤上海巡唱變全紅嬋 狂收公仔 帶鋸琴藝術家澳門開騷
