胡鴻鈞唔擅長快歌 錄音期間感尷尬歌手胡鴻鈞（Hubert）今日接受電台訪問宣傳新歌《CITY LIGHT》，新歌用國語和英語唱，Hubert形容是一大挑戰，「我幻想唔到自己可以唱呢首歌，監製仲話我要唱埋rap，雖然我嘅國語還可以，但始終唔係母語，歌詞又密又快，之前喺屋企練開頭都唱到打晒結。」而且感到害羞，他笑言：「錄音時有啲怕醜同尷尬，因為型同唔型係一線之差，快歌同國語我又唔擅長，驚自己偏離咗，依家聽番首歌嘅rap都唔係唱得特別好，叫做盡咗力，之後唱live會好緊張同擔心。」胡鴻鈞實力擔當。提到獨立音樂人周卓盈（阿Mic）視Hubert為偶像，因為他而入行做歌手，令Hubert相當驚訝，「真係㗎？咁癲？佢喺我參加完《超級巨星2》之後就成為我嘅粉絲到依家，佢係第一批歌迷，所以我對佢印象特別深，知道佢因為我而入行，呢件事對我嚟講好大意義，冇諗過自己有咁嘅能力，令其他人有力量追自己夢想，下次可以同佢一齊做訪問。」胡鸿钧
胡鴻鈞唔擅長快歌 錄音期間感尷尬
