袁偉豪計劃孖譚俊彥開拍電影 有意做監製適合做打雜藝人袁偉豪今日以客席評判身份出席一個設計比賽活動。早前他一家三口拍溫馨照，赤裸上身騷結實肌肉，笑言當給自己留為紀念，自己一直好努力去健身keep fit，問現在是否已打回原形？他自信說：「打回原形都仲OK嘅！嗰時身形肥啲，因為要食好多嘢。」袁偉豪狀態大勇。一家三口幸福滿瀉。提到他與譚俊彥（Shaun）有計劃開拍電影，他表示與Shaun識於微時，相識超過20年，「我哋好啱傾，又對音樂有研究，對中佬追夢題材有興趣，一齊度緊劇本，已有初步構思，需要搵吓投資者先。（之前見許濤有冇提出過？）嗰日唔係咁方便講，呢啲私人項目，想保留番唔想穿橋，畀人抄。」他覺得中佬危機是人生階段，每人行的路各有不同，問會否兼任導演？他表示導演不敢當，但有意嘗試做監製，因為覺得自己適合打雜做萬能員工。袁偉豪（左）與譚俊彥識於袁伟豪谭俊彦
袁偉豪計劃孖譚俊彥開拍電影 有意做監製適合做打雜
