【明報即時】企業強人｜陳豪自嘲假髮造型礙眼 龔嘉欣曾怕觀眾難接受少女形象 陳豪、龔嘉欣稱他們在《企業強人》中沒有激情場面。（林祖傑攝）陳豪、龔嘉欣今天（20日）出席劇集《企業強人》宣傳活動時，談及兩人在劇中的年輕造型。陳豪表示其角色的年輕齊蔭造型是假髮︰「要扮咁多年前，有啲難度。唔緊要，幾場啫，係有啲礙眼。」龔嘉欣直言擔心觀眾難接受其角色的少女形象︰「好彩觀眾反應OK，我個角色好快轉咗成熟造型。其實我都鍾意，覺得幾新鮮。網民都鍾意我同陳豪呢條線，我哋之後會有場落雨打籃球戲，好浪漫，不過佢笑我打到似暴龍。」龔嘉欣開心被讚演速遞員神似︰「監製擔心安全，唔畀我揸電單車。不過，我有偷偷試過揸。拍完劇後，我仲報考埋貨車棍波牌。」他們稱在劇中沒有激情戲，但有為男方下廚的浪漫場面。龔嘉欣說︰「我都打算之後去學煮粵菜。準備做少奶？唔係，有排，我只係自己鍾意食。」陳豪說︰「作為家庭主婦 ，可以煮兩道好菜好重要，連貨車牌都學埋。人仔細細，野心大大，好似劇入面個角色。」（即時娛樂）陈豪龚嘉欣
【明報即時】企業強人｜陳豪自嘲假髮造型礙眼 龔嘉欣曾怕觀眾難接受少女形象
