譚輝智獲封「新師奶殺手」　示愛狄波拉：佢係我嘅女神

譚輝智獲封「新師奶殺手」　示愛狄波拉：佢係我嘅女神由堪輿學家麥玲玲主持的無綫清談節目《玲玲友情報》，最新一集邀來《中年好聲音2》的譚輝智。現年40歲的輝智入行後贏得一班歌迷支持，被封為新一代「師奶殺手」，其中一位鐵粉更是謝霆鋒媽咪狄波拉，對方更同時擔任歌迷會永遠榮譽會長。談到與狄波拉結緣，輝智透露︰「之前出席咗個晚宴，個場合好Grand，無端端有個人喺後面大嗌我，嗰時都尷尬，心諗邊個呢，一擰轉面見到狄波拉，佢望住我喺度揮手。」相識後狄波拉不單出席其演唱會，更帶輝智出席霆鋒的電影首映禮。麥玲玲分析輝智之所以受中女歡迎，是因為表現「親切中帶靦覥」，更為他冠上「新‧師奶殺手」稱號，輝智即識做答說︰「我唔覺得佢（狄波拉）係師奶喎，佢係我嘅女神。」譚輝智（右2）嚟啦！譚輝智獲封「新師奶殺手」。譚輝智話狄波拉係佢嘅女神。#谭辉智#