神隱張秀文終蒲頭 與何遠東快閃旅行藝人張秀文（Sammi）與何遠東（東東）原來私交甚篤，即使女方早已淡出娛樂圈，二人亦一直保持聯絡。兩人的生日同樣是9月底兼且只相差兩天，近日忽萌奇想決定相約「出走」，快閃到台北旅行吃喝玩樂數天。東東於社交平台上載相關照片分享，久違了的Sammi雖曾傳出有喜，但照片內身形依然弗爆兼成功凍齡，更於街頭與東東擺出「偶遇」甫士合影，相當搞笑。與張秀文及友人於台北補祝生日。扮「偶遇」合照。身為闊太的張秀文不介意去「沖水」，為好友們服務。談到這段友情，東東透露﹕「我哋有位共同朋友，試過約埋一齊打麻雀，又覺得好好傾喎，所以熟咗囉，不過依家出現三缺一情況呀，哈哈﹗」而今次快閃旅行，他表示﹕「嗰日我教完書一放學，就攞埋行李去機場嘞，Sammi就梗係唔同啦，好多謝闊太都肯陪朋友去玩囉。」至於他有份參演劇集《企業強人》，東東表示﹕「好鍾意我哋條支線夠貼地，監製又花咗好多功夫去搵咗間舖頭，扮我哋嘅物流公司，象真度好高，大家合作得好愉快。（嚟緊工作安排點？）依家忙緊戲劇教育，拍劇就要睇吓有冇適合嘞。」東東與《企業強人》「家人」合作得相當愉快。吹蠟燭．食蛋榚﹗台北快閃「覓食」。张秀文何远东
神隱張秀文終蒲頭 與何遠東快閃旅行
