曹永廉蕭正楠內地騷售罄 目標係幫觀眾分清佢兩個？藝人曹永廉與蕭正楠私交甚篤，雖然經常於人前「互片」，但私底下卻兄弟情心照不宣。曾經以歌手身份發展的他們，近日決定孖住於內地開騷，門票開售不久已告售罄，可見二人號召力非凡﹗阿蕭於社交平台搞笑留言﹕「感激阿廉動用退休金，令今次演唱會順利舉行。」阿廉即回道﹕「為咗令你人生更精彩，一千幾百萬我願意，但你上次食飯仲爭我二十蚊，月尾出糧麻煩你畀番我！」@曹永廉Raymond 阿廉事後受訪笑說﹕「我同佢幾年前都試過喺香港搞演唱會，內地就首次喇，我當提攜吓新人囉，哈哈﹗今次演唱會目的係畀內地觀眾搞辨清楚我哋，事關不停有人將佢認錯係我，又將我認錯係佢。至於阿蕭講到我好似係投資者咁，其實近期我喺佛山識咗個好朋友，佢二話不說就話投資畀我哋開騷，多謝佢嘅信任與支持。」阿廉又直言內地尚有其他演出正在接洽中：「依家都開始明白喺內地搞演唱會嘅細節，我當自己學多樣嘢囉。」曹永廉加埋蕭正楠，威力好勁喎！原來好多網友都分唔清佢兩個。今次係曹永廉有個佛山好朋友投資個騷。蕭正楠當年係歌手出身。曹永廉本身都係歌手嚟！曹永廉萧正楠
曹永廉蕭正楠內地騷售罄 目標係幫觀眾分清佢兩個？
