【星島影視圈】蕭正楠跟發哥跑步告別孱仔拒談做「老竇」 曾「生蛇」纏住半條腰痛足半年蕭正楠剛由布拉格拍完劇集《巨塔之后》返港，本月底聯同老友曹永廉在佛山舉行《bro show演唱會》，工作勁忙。自從8年前拍攝《翻生武林》時「生蛇」，阿蕭開始積極做運動，疫情期間同老婆黃翠如齊加入發哥(周潤發)嘅跑山團，𠵱家仲日日做20分鐘HIIT去Keep fit，47歲仍有心有力，唔係孱仔。採訪：方騫平 攝影：Benny做唔做老竇，47歲蕭正楠都要強身健體。阿蕭分享運動心得。蕭正楠有健康快樂人生。阿蕭近年清減咗好多。47歲蕭正楠依然好fit。43歲黃翠如最近穿鬆身裙和平底鞋逛街，被發現腹部隆起和上圍升級，疑似大肚。不過，蕭正楠就拒談老婆懷孕傳聞，反而落力提醒大家要多做運動強身健體，曾「生蛇」的他諗返起都怕怕，唔止好痛，康復期又長。黃翠如最近穿鬆身裙逛街，被指肚凸凸孕味甚濃。纖瘦翠如竟有個小肚腩惹來揣測。翠如飲凍檸茶要走冰。黃翠如日前出席公開活動時，行動小心奕奕。發哥鼓勵翠如跑10公里 阿蕭自覺身體強悍好捱得，未試過「冧廠」，但自從2016年拍《翻生武林》就被攻破「堡壘」：「拍呢套古裝劇打足三分一，而且冇乜時間休息，體力耗盡，好記得拍完嗰場山洞翻滾戲後，發覺背部出現紅點及有刺痛感覺，初不以為意以為由砂石及昆蟲叮咬所致，點知兩日後拍沖涼戲時，患處明顯嚴重咗，有成寸闊嘅水泡紅疹向橫發展，已圍住半條腰，真係諗起都打冷震好得人驚，要馬上停工休息。即使結咗痂都有神經痛，時不時有觸電感，呢個病後遺症長達半年，所以醫生建議大家最好打蛇針。」8年前蕭正楠跟陳凱琳喺荒山野嶺拍《翻生武林》。拍《翻生武林》體力耗盡。算係蕭正楠拍戲以來最辛苦嘅一套劇。發哥不在港，跑步團由黃日華領軍。發哥親自督促翠如跑10公里。𠵱家阿蕭和翠如保持運動量：「疫情期間我哋每朝跟發哥跑山，最高峰時發哥逼到翠如來回跑到10公里，因為發哥從旁鼓勵『得喇去啦！有咩事我孭你返去…』咁樣就完成咗佢人生第一個10公里，連我都唔敢相信；發哥亦會捉我唔好跑到八字腳，提示我修正。跑步團最高峰有40多人，會按能力分3隊跑，鵬哥(盧海鵬)由最初要撐枴杖，都後期唔使用，真係幫到手㗎。」 萧正楠黄翠如
【星島影視圈】蕭正楠跟發哥跑步告別孱仔拒談做「老竇」 曾「生蛇」纏住半條腰痛足半年
