陳星妤快閃歐洲放假零豔遇 連靚仔都無𥄫：唔睇呢啲咁表面韋家雄口快快話同陳星妤有床戲，之後改口話所謂床戲係喺床上死亡。（梁碧玲攝）陳星妤今午與陳山聰、張曦文、羅子溢宣傳《廉政行動2024》，韋家雄有台上表示自己在劇中是被新丁陳星妤激死，又口誤指二人有床戲。陳星妤接受訪問時表示同韋家雄有唔少對手戲，但對方拍攝時為大家帶來不少歡樂，但自己每次要醞釀情緒時都會攻破。「佢啲爛gag傳染埋我，有時我要喊，醞釀情緒一下就畀佢搞散，所以今次都係一個挑戰。」陳星妤快閃歐洲放假，但因為要感受當地文化，所以零豔遇。（梁碧玲攝)陳星妤早前完成《金式森林》後，飛到歐洲放了一個短期。「主要休息，血拼都有，都係當地有嘅品牌先會去睇一睇。（係咪去到外地就解放打扮？）都唔性感，我算保守，同埋入鄉隨。」陳星妤又指自己內斂又唔夠主動，所以未有豔遇，甚至連睇靚仔呢個環節都無發生。「可能我返工都好多靚仔，所以其實對靚仔無咩感覺，唔會對靚仔有wow。我鍾意睇女仔多過睇男人，同埋旅行意義唔係淨係望呢啲咁表面，要睇多啲文化歷史。」陳星妤又謂自己有去打卡拍照，而拍照方面最緊要快靚正，就算影得唔好都會照PO。陈星妤
陳星妤快閃歐洲放假零豔遇 連靚仔都無𥄫：唔睇呢啲咁表面
