張馳豪重感情拍過3次拖 淚腺發達分手喊成年藝人張馳豪（Aska）今日（17日）到新城電台接受訪問，宣傳新歌《宇宙逃生口》。他講述新歌是想給正在遭受情傷或者是失去快樂的人正能量，同大家講一個人都可以好快樂。從情傷走出來的Aska表示已經成為這個課題的導師：「因為你戀愛嘅時候，你嘅另一半就喺你嘅快樂，但當你失去咗佢嘅時候你就好似失去咗快樂，但其實自己一個都可以好快樂。」他表示現在會專注工作，問到他已經單身多久？他說：「都一段時間，以年計（入行之後都有繼續拍拖？）係。」表示入行之後，雙方在遷就大家時間上出現困難，令自己少時間陪伴對方 ，問到下一段感情是否會考慮揀圈中人？他就表示順其自然，稱就算選擇圈中人大家都不一定能夠夾到時間。其實自己一個都可以好開心嘅。提到療情傷，曾有過3段感情的Aska就表示會盡情哭泣，笑言自己是一名喊包，兼為人長情，每段感情都會投放好多心血經營：「不過分手唔一定要忘記，希望呢啲經歷可以令到自己成長，伴隨自己一生（原來你咁軟弱，仲以為你好硬？）需要硬嘅時候我都會硬，硬朗。」期待帶更多正能量畀大家。鐵漢柔情。张驰豪
張馳豪重感情拍過3次拖 淚腺發達分手喊成年
