陳曉華新劇做受保護動物 有視帝視后坐鎮對收視有信心藝人陳曉華（Hera）與羅天宇今日（20日）身穿民初戲服為新劇《巾幗梟雄之懸崖》宣傳，兩人坐在開蓬巴士巡遊，Hera稱不覺得熱，因為戲服很薄，但在內地拍攝時氣溫低就覺得凍，今日氣溫則剛剛好：「我喺15套戲服入面揀咗最靚一套見大家，因為每次着呢套戲服就畀人救，好有被保護感覺，有做番BB嘅感覺，反差好大，因為我喺另一套劇做羅天宇阿媽成日煩佢。」天宇笑指對方在《巾》劇中是被保護擔當。Hera自言對劇收視有信心，拍攝時很深刻，因為劇情很豐富，首五集已相當引人入勝。天宇直言對黎耀祥及胡定欣有信心：「我每次拍完自己嘅戲份都會留低睇祥哥演出，因為佢好有感染力，喺佢身上學到好多嘢。」兩人指今日宣傳時巿民很熱情，羅天宇自嘲幫不到忙：「因為我冇咪喺手，講咗都冇人聽到，我只可以同人用眼神同大家交流。」陳曉華同羅天宇好合拍。陳曉華做受保護擔當。羅天宇對收視有信心。齊齊向視帝、視后學嘢。陈晓华
陳曉華新劇做受保護動物 有視帝視后坐鎮對收視有信心
