巾幗4｜黎耀祥胡定欣「極速黃包車」嗌好玩 蕭正楠「雄霸」黃金時段公開耍冧呢幕「極速黃包車」睇係好過癮，但拍攝其實好辛苦。黎耀祥昨晚（21日）帶領胡定欣、陳曉華、羅天宇及蕭正楠為劇集《巾幗梟雄之懸崖》（巾幗4）首播作直播宣傳，爽性公開其角色「柴十七」命名之謎，並謂出處是《易經》：「點解姓柴係一個情意結嚟，十七呢個名係標哥（編審張華標）取自《易經》八十一理數入面嘅。《易經》十七卦叫隨卦，隨遇而安咁解，十七為吉（卦），意思係排除萬難、有貴人助、把握時機、可得成功，完全係符合咗柴十七嘅人物性格。」祥哥嘅出場好impressive。除了招牌式「口水花」大場面，昨晚還有不少巾幗Style焦點場口，當中以七爺（胡定欣飾）和柴十七的「丁鈴噹啷極速黃包車」場口最為刺激，醉酒的七爺與柴十七分別坐上黃包車，然後由車伕極速拉着二人沿樓梯極速向下滑，柴十七全程呼天搶地的狀態與開心大叫的七爺形成強烈對比。祥哥及定欣昨晚於直播期間，透露場口分開兩段拍攝、並拍攝了一整個晚上，劇組更為二人準備了威吔等道具以策安全。祥哥說：「嗰場戲算係少少危險動作，但比想像中好好多，好玩嘅，仲比想像中冇咁刺激添！」定欣即笑着補充：「因為拍咗太多次。」二人續說：「其實喺樓梯墊咗啲嘢已經卸咗啲力，嗰場戲真係拍足N咁多次，拉車嘅都係武指，佢哋好有經驗。」定欣說：「好在黃包車個底有個位可以俾隻腳𨅝住，否則你真係覺得會飛出去。」呢場戲兩位主角嘅演技，加上精警對白，加上用心拍攝嘅製作團隊，變奏出一場好戲。蕭正楠除一人分飾三角外，其綜藝節目亦於同日首播，昨晚他更連環走訪《東張西望》及《巾幗4》直播現場瞓身宣傳。對於近乎雄霸昨晚翡翠台黃金時段，蕭正楠在社交網笑言是另類「煩擾式宣傳戰術」：「唔好意思，今晚會煩到大家，我7:30、8:30、10:30都會喺翡翠台，希望煩到你哋鍾意。」#巾帼枭雄之悬崖#黎耀祥胡定欣萧正楠
巾幗4｜黎耀祥胡定欣「極速黃包車」嗌好玩 蕭正楠「雄霸」黃金時段公開耍冧
