陳瀅生日多女陪　攬完JW再孖王敏奕Hot跳《APT》

陳瀅生日多女陪　攬完JW再孖王敏奕Hot跳《APT》尋日（22日）係女星陳瀅35歲生日，向來圈中人緣極好嘅佢，同《痞子殿下》一班拍檔密不可分，當然就係一齊過，好似閨密王灝兒（JW）、周嘉洛及朱敏瀚都私下慶祝，同為10月壽星嘅周嘉洛就有得同陳瀅切Cake，真係夠晒Close。陳瀅（前排左）梗係要同《痞子殿下》buddy一齊。攬到實。不過陳瀅慶生仲未完，佢亦有同多年姊妹王敏奕兩個慶祝，仲拍埋索爆跳舞片，High爆cover依家最Hit、由韓團BLACK PINK成員Rosé及美國天王Bruno Mars合作嘅新歌《APT》，佢兩個一邊扭一邊揈頭，王敏奕仲轉晒身搶鏡，最後搞到拍攝嘅電話都跌低埋，又hot又搞笑，不過陳瀅就被好友留言笑佢跳錯晒，淨係識得傻笑。轉個頭陳瀅就同王敏奕兩個慶祝。王敏奕自己勁High。陳瀅就笑到甩晒Beat。王敏奕High到跌電話，即刻忍唔住笑。