黎耀祥連珠炮發精警對白 親自拆解觀眾迷思「視帝」黎耀祥與「視后」胡定欣主演的無綫台慶劇《巾幗梟雄之懸崖》昨晚首播，祥仔首集即大騷功連珠炮發密集式精警對白，加上劇組以360旋轉式拍攝，凸顯了這場口的霸氣。祥仔的「一輪嘴對白」更勾起觀眾對《巾幗》系列的回憶，他受訪時指這場口好拍檔編審張華標為他度身訂造：「標哥好知我強項，好多時會喺適當時候就番我嘅長處，加番啲好睇位畀我，例如一個人一口氣講四頁紙、一輪嘴去鬧人咁。」新一輯祥仔由家喻戶曉的「柴九」變成新角色「柴十七」，他親自拆解觀眾迷思：「呢個名係標哥取自《易經》八十一理數入面嘅。《易經》十七卦叫隨卦，隨遇而安咁解，十七為吉（卦），意思係排除萬難、有貴人助、把握時機、可得成功，完全係符合咗柴十七嘅人物性格，大家要明白編劇嘅苦心，佢連角色名都唔係求其嘅。」而網民對古巨基繼《巾幗2》後再唱主題曲感驚喜，笑言回憶返晒嚟！黎耀祥同胡定欣合作。黎耀祥連珠炮發密集式精警對白。胡定欣氣場勁！冇事呀嘛！黎耀祥
黎耀祥連珠炮發精警對白 親自拆解觀眾迷思
