張頴康10年來首次二人世界飛巴黎 麥雅緻買名牌包包多心藝人張頴康與太太麥雅緻向來恩愛，2人身為3名小朋友的父母，等了10年終於迎來了首次二人世界去歐洲旅行，近日麥雅緻陸續在社交網發放旅行的相片及視頻，當中他們經歷氣溫急降兼連日橫風橫雨，後來見到放晴時開心到差點喊出來。而在最新視頻中，麥雅緻分享在巴黎的Shopping的過程，搞笑又溫馨，片中麥雅緻開心表示：「終於嚟到法國可以買手袋。」之後問到張頴康見到老婆睇手袋驚唔驚？他大方謂：「睇咪睇囉，我最驚佢睇完話返去諗一諗，到最後經過幾次之後返嚟，終於都係買，咁點解一開始唔買呢，要行咁多次。」麥雅緻解釋：「因為女人係多心。」但不忘補充：「除咗對老公冇多心。」最後麥雅緻選擇困難發作，並一如老公所預言未揀定，張頴康不斷跟她說：「買啦，送畀你。」麥雅緻笑言：「你買嘅都係我嘅錢，你個人都係屬於我，全部都係我，即係用我嘅錢。」認真閃到暈，連蔣祖曼也不住留言：「點解我突然乜都睇唔到嘅？我係咪閃盲咗呀？」相當抵死。張頴康同麥雅緻結婚10年，首次二人世界。歐遊最開心！好恩愛！周圍玩。麥雅緻去到巴黎梗係買包包。真係頭都大。揀來揀去，好多心。你嘅錢即係我嘅錢！张颖康
張頴康10年來首次二人世界飛巴黎 麥雅緻買名牌包包多心
