鍾欣潼仙女黑化索到登熱搜 神顏帶挈虞書欣新劇人氣內地「95後小花」虞書欣、小生丁禹兮新劇《永夜星河》一開播即爆紅，帶挈兩位主角人氣三級跳，《永》更有一位猛將未播先上熱搜，佢就係人氣女神鍾欣潼（阿嬌），阿嬌早前因為古裝仙女look靚爆全場，仙氣比女主角虞書欣更搶眼，因此大家對佢喺劇中表現有好高期待，估唔到近日終於播埋佢黑化造型，索到即令佢再次直登熱搜！阿嬌於新劇《永夜星河》中客串飾演男主角丁禹兮母親「慕容兒」一角，劇中身為「魅女」嘅佢愛上男主爸爸「趙輕歡」，但卻喺懷孕時遭對方拋棄，因而出現兩種人格，最後被黑化「怨女」人格吞噬。由官方釋出片段中，可見仲未變反派嘅佢，一身純白古裝、清新脫俗樣，大家一早見過，佢喺黑化後，改化上更精緻妝容，以暗紅色裝扮登場，眼神魅惑感十足，將美艷大奸角演得淋漓盡致。唔少網友被佢嘅演技震懾到「神顏美瘋了！」、「真的不只樣貌出圈，好演技也應該多點被關注」、「這眼神，氣場真的天花板」。上次阿嬌呢個look，已經令網友神魂顛倒。真係仙氣十足。黑化美艷樣輕鬆又有熱搜。大家鍾意邊個look多啲？钟欣潼
鍾欣潼仙女黑化索到登熱搜 神顏帶挈虞書欣新劇人氣
