張曦雯落場撐好友唐詩詠 做一日店長麵包當人工視后唐詩詠最近於銅鑼灣開麵包店，現時只是試業中，月底才正式舉行開張儀式。不過連日來都不少人幫襯，排晒長龍，有網民更於網上留言爆原本店舖晚上8時關門，但有日6時去到麵包已經賣晒及關門，認真旺場。唐詩詠開麵包店吸引不少人幫襯。閨蜜張曦雯現身做「一日店長」。張曦雯笑言落舖是幫唐詩詠控制人流。連日來，詩詠的圈中好友都有親臨店舖，繼日前黃翠如去打卡後，前日無綫女神、詩詠的閨蜜張曦雯（Kelly）亦現身做「一日店長」，有美女店長在場，排隊的人愈來愈多，Kelly更PO出當日的相片於社交平台。昨日她接受東網獨家訪問時笑說：「佢仲係試業階段，尋日落去幫手，佢有畀人工㗎！就係麵包，我負責控制人流，都戥佢好開心，生意好好，每一次麵包出爐都吸引好多人。」以麵包當人工。「老闆娘」唐詩詠樣樣事親力親為。備戰台慶晚晚練舞工作方面，說到剛拍完劇集《臥底嬌娃》，問會否去旅行抖抖時，Kelly說：「我都未有得抖住，因為要準備台慶，嗰晚我有3個環節，屆時換衫都好忙，而且有一Part係30個女仔一齊跳舞，依家晚晚都要排練到凌晨。完咗台慶我都要繼續跳舞、唱歌，因為《臥》劇仲有Opening要拍，要繼續排舞。」張曦雯近來為備戰台慶晚晚練舞。唐詩詠早前在台灣抽空行夜市。玩得盡興！張曦雯Kelly唐诗咏
張曦雯落場撐好友唐詩詠 做一日店長麵包當人工
