李玟墓地雜草叢生鮮花亂掉 揭有人擅闖做直播當背景已故天后李玟（CoCo）位於武漢石門峰紀念公園嘅墓地情況近日被曝光，有指墓地雜草叢生、鮮花凌亂不堪，令眾多粉絲心痛不已，紛紛為偶爾鳴不平。當中印有「紀念李玟」字樣嘅台柱被遮擋嚴實，下方擺放嘅鮮花凌亂不堪，似足被隨意丟棄，與之前莊嚴肅穆嘅場景大相逕庭。同時亦有指墓地將有改造工程，並已於11月4日至8日進行改造施工。李玟二家姐李思林亦向東網表示得知墓地將改造施工，更揭有人擅自闖入墓地開Live博流量：「墓園嘅安排我哋作為家人只能夠附和，佢哋解釋過，之前有人擅自闖進墓園到銅像及墓地上做直播或拍照，非常影響先人。邊考慮讓CoCo有寧靜和私隱而將樓梯改善亦屬於合理。作為家人，墓地的確不應該作為做直播嘅背景而影響先人安寧，更加不想看到，因為博流量去做直播而有人受傷。」李玟被揭墓地雜草叢生，原來係因為被人擅闖。簡直係對逝者不敬。李思林揭有人擅闖墓地上做直播，博流量。為讓CoCo有寧靜同私隱，佢哋家人都認同要改善樓梯。李玟全球歌迷會亦就此事發聲明，指根據墓園建議，近期將對CoCo李玟墓地周邊景觀台階將按花鏡模式改造，與墓地形成自然隔離，給逝者安靜環境。另外李玟在墓園嘅第二期紀念展已正式結束，後續長期展覽正在籌備中，時間地點將另行通知。歌迷會亦針對近期一啲不實聲音作說明，當中提到李玟長眠嘅石門峰紀念公園係對所有公民開放嘅商業公墓，所有公民都有資格購買屬於自己嘅墓地。李玟嘅墓地位於紀念公園公共安葬區域，墓地申請流程合法合規，四周亦係普通墓地並無特殊。喺該區域內安葬並立像嘅都有其他文化藝術名人、院士同武漢當地學者。李玟家族選擇此地係因為石門峰係武漢較有名嘅商業墓地，公園以生態環境優美、以藝術詮釋生命著稱。CoCo生前喺世界各地宣傳中國文化，展現華人正面形象，一生熱衷於慈善關心社會，家族亦有多位烈士猛將，所以每位歌迷都明白對李玟嘅懷念唔會影響佢哋敬重每位對國家、社會做出貢獻嘅人士。歌迷會又澄清指李玟係佢哋「家人」，佢哋只會喺忌日、清明同屬於CoCo嘅各類紀念日前先去祭拜，寄託哀思。並續指今次係全球歌迷會第一次及最後一次針對此事說明，敬告有心之士，互聯網唔係不法之地，故意歪曲事實捏造謠言，對李玟名譽造成損害，將受到法律追究。歌迷會再次澄清該墓園係商業公墓，墓地申請流程合法合規。改建後嘅現狀，墓地已變得十分整齊。李玟
李玟墓地雜草叢生鮮花亂掉 揭有人擅闖做直播當背景
