伍仲衡生日會收680被指掠水 大動肝火：自願參與音樂人伍仲衡與歌手顏志恒同月生日，晚上在九龍灣一齊延開56席舉行生日會，邀請700位粉絲與藝人一齊慶生。不過，有網民在伍仲衡的社交網指生日會掠水，更嘲諷有700條水魚，令伍仲衡大動肝火，鬧爆該網民，伍仲衡受訪表示：「嗰位網民成日都鬧我哋《中年好聲音》，佢知唔知一圍成六千幾蚊幾？仲準備咗好多禮物，仲有樂隊、台、燈、聲呢？每一位粉絲只係收680竟然仲話我哋掠水，同埋係自願參與，冇強迫，生日會亦唔係為咗賺錢，亦都冇錢賺，只係想同大家開party。」伍仲衡（左）與歌手顏志恒同月生日。2人高歌娛賓。伍仲衡又宣布簽了一位新人《校園好聲音-唱響中國》大學生歌唱比賽冠軍洪心怡，成為她的經理人：「呢份係自己最好嘅生日禮物，廿幾年前已經想簽王菀之，但係當時冇咁嘅能力，呢個新人好有潛質，老婆會負責做佢經理人工作，我就會負責佢音樂方面。」問到她的成就可否追上王菀之？他則說：「咁就唔好比較，因為每一個人嘅際遇都唔同，但係對佢好有信心。」 兩人講到生日願望伍仲衡笑言希望老婆能減肥成功，可以瘦一點；顏志恒則希望可以增肥30磅。伍仲衡獻唱。伍仲衡為自己平反。伍仲衡簽了新人洪心怡。#伍仲衡#
伍仲衡生日會收680被指掠水 大動肝火：自願參與
