鍾嘉欣全家來港度聖誕 等好角色再拍劇藝人鍾嘉欣日前秘密返港，更相約好姊妹岑麗香、苟芸慧、李亞男、王君馨等「處女黨」成員相聚，5位人妻婚後各有各忙，加上Linda在加拿大生活，李亞男則經常留在內地，相約齊人見面並不容易。今次難得「合體」，席間更齊齊為亞男及香香慶生。Linda今次返港主要為11月29日起一連3場的內地巡迴演唱會作準備，之前廣州站反應相當好，今次佛山站的門票亦早已售罄，她昨日接受本報獨家訪問時說：「我仲有8日就開演唱會，要進入狀態，準備好自己，今次細B、爹哋媽咪都有同我一齊返香港，好開心，嚟緊我啲仔女、老公都會喺加拿大返嚟，今年會一家人喺香港過聖誕，老公都好想返嚟探親，因為佢好多親戚喺香港，我哋已經好耐冇全家一齊返港，之後有時間都會去吓旅行。」「處女黨」難得齊腳！鍾嘉欣帶同細女率先返港。今年一家留港歡度聖誕。演唱會反應熱烈，佛山站加場亦早已售罄。連唱3場過足癮說到佛山演唱會由1場加開至3場，她開心表示期待跟歌迷見面：「我會好畀心機做好個騷，3場真係好難得，我都冇諗過，好感恩，希望藉住呢3場機會發放我嘅正能量，我真係好鍾意唱歌，一定過足癮。」說到很多網民期待她再拍劇，她說：「耐心地等待緊一個我好鍾意又適合我嘅角色。演戲、唱歌表演都係我仍然好鍾意做嘅事，希望適當時候我可以出番嚟，呢個係我一個使命，我一直想延續落去，都耐心等緊一個鍾意嘅角色同劇本。」鍾嘉欣將到佛山開騷，期待又開心。鍾嘉欣坦言想等有好角色再拍劇。钟嘉欣
鍾嘉欣全家來港度聖誕 等好角色再拍劇
