楊茜堯回應《巾幗4》收視撼贏《黑色月光》：最緊要觀眾嘅口碑

楊茜堯回應《巾幗4》收視撼贏《黑色月光》：最緊要觀眾嘅口碑楊茜堯今日（28日）出席台慶劇《黑色月光》宣傳活動，她接受訪問回應《巾幗4》收視撼贏《黑色月光》：「收視唔可以著重喺數字去睇，最緊要睇觀眾嘅口碑同埋大家嘅討論度，我覺得有陣時嘅收視高與低唔係代表套劇唔好，有陣時好多因素，可能（觀眾）未必即刻可以睇到嗰一個時段，整體嚟講TVB今年嘅台慶劇質素同埋成績都好好。」楊茜堯今日（28日）出席台慶劇《黑色月光》宣傳活動。（張祖銘攝）難忘劇中在王浩信面前崩潰的戲份提到大結局其中一幕打林夏薇一巴，她表示：「我哋通常打戲唔會拍好多take，打嗰個人大壓力過畀人打嗰個，因為打嗰個好驚連累到對手又要拍過，所以通常都係一take過，我印象中都淨係拍咗一take。」被問到劇中最難演繹的一場，她直言：「情感方面嘅戲囉！好似噚日播出嗰一場喺王浩信面前崩潰行為，當陣時演嘅時候都有啲壓力，從來都冇透露過自己嘅心聲，嗰一下要喺個男人面前表露自己嘅情感，個角色嘅關口好難過。」楊茜堯指大結局打林夏薇一巴拍攝一take過。（張祖銘攝）透露傾緊演出新影視作品工作至於是否有伏筆繼續拍續集，她直言：「主打復仇嘅線睇吓延伸到去點樣，如果觀眾好鍾意就希望監製去諗一諗。」談及劇中打林夏薇一巴是否參考當年《宮心計》的劇情，她表示：「從來都冇諗過，我只不過係投入角色嘅需要，當投入角色就唔會有任何雜念，可能觀眾會抽出以前演嘅角色，諗起曾經演出過嘅片段拼合埋一齊，呢一個都係觀眾嘅反應。」她透露現階段已經收到一些影視作品的邀請，並表示：「都要傾吓，安排好屋企先，暫時都未可以公布！」她續指不介意出埠工作，並透露：「出埠工作對我嚟講就等於放假。」楊茜堯指出埠工作等於放假。（張祖銘攝）預告會贈送嬰兒用品給黃翠如被問到有否恭喜黃翠如懷孕，她說：「有恭喜佢啊！不過當時佢都唔可以講，知道都唔講得住，雖然我喺新劇先真正認識佢，我覺得自己多咗個姨甥嘅感覺。」她分享自己會收拾一些嬰兒的衣服贈送給黃翠如。楊茜堯有恭喜黃翠如懷孕。(資料圖片)黑色月光杨茜尧