中年好聲音3｜伍仲衡被炒呢2位擔任新評判語帶雙關：可能關人哋事TVB節目《中年好聲音3》今日（15日）自「伍仲衡被炒」後再次錄影，除了恆常的肥媽、周國豐與張佳添外，今次加入了陳奐仁及黃凱芹做評審。陳奐仁及黃凱芹擔任客席評判。（陳順禎 攝）陳奐仁及黃凱芹接受《香港01》訪問時表示自己不會理閒言閒語：「大家都係從音樂出發，以音樂人角度去做評審，同你哋出面依家睇緊嗰啲新聞無關嘅。」陳奐仁則覺得「有關」：「我就覺得有關嘅，但就唔關我哋，可能關人哋事。」而黃凱芹覺得做好本份便可。二人均表示以觀摩的心態來做評判。黃凱芹話佢做評審同伍仲衡無關。（陳順禎 攝）被問到評分標準時，陳奐仁表示「低」：「盡低，低極都係10分。」陳奐仁指自己曾經於其他歌唱比賽中嘗試1至100分只給10分的低分。黃凱芹就覺得第一位參賽者十分重要：「如果佢一出場我就好鬆手，咁如果跟住啲人真係好過佢好多嘅，我咪要俾100分？」所以兩位評審給分都有點嚴厲，黃凱芹認為做評判一開始就要「中肯」一點，畀分方面「係幾多就幾多」，不然之後都會亂了套。陳奐仁表示黃凱芹係佢偶像。（陳順禎 攝）
中年好聲音3｜伍仲衡被炒呢2位擔任新評判語帶雙關：可能關人哋事
