姚焯菲補祝生日被老竇爆料　聞吓就知煲湯落咩料

姚焯菲補祝生日被老竇爆料　聞吓就知煲湯落咩料「聲夢小花」姚焯菲（Chantel）於新西蘭完成中學課程後返港，日前一班粉絲「小菲象」為她補祝生日，而好友鍾柔美、張馳豪、林智樂、Chantel的父母及無綫高層樂易玲都有到場，期間Chantel更跟鍾柔美、張馳豪等一齊唱歌表演助興，場面熱鬧。Chantel於現場接受無綫新聞台的訪問時坦言掛住一班粉絲，說到生日願望時，她謂：「生日願望希望身體健康、開開心心，同埋我好想開一個個人音樂會，未知有冇機會，我都想多啲去旅行。」期間她的爸爸又爆她的小秘密：「大家都知佢最鍾意食嘢，嫲嫲煲湯佢未飲，聞到已經知裏面咩材料，佢味蕾好犀利，而且佢係有潔癖，但唔係潔癖自己，係潔癖人哋。」說罷全場爆笑。姚焯菲終於可以返香港見粉絲喇。爸爸爆女神秘密，話佢聞吓就知煲湯落咩料。一班粉絲「小菲象」為佢補祝生日。星夢好友都嚟撐場。深得喜愛。大個女喇～姚焯菲Chantel