【娛樂新聞臺】黃翠如冬至街邊嘆地道美食 獲老公陪打機開心流鼻血幸福其實可以好簡單，如果唔明白，就可以睇吓 黃翠如 Priscilla Wong 同老公 Edwin Siu 蕭正楠 點樣過冬至，腹大便便嘅翠如，喺冬至正日同老公拍拖去食好西，不過佢哋唔係大魚大肉，而係翠如期待咗好耐嘅地道美食車仔麵同腸粉。阿蕭帶住老婆買外賣兼且即刻喺車廂品嚐熱辣辣嘅美食，翠如分享兩公婆嘅開心相寫上「冬至快樂!終於吃了碗開心車仔麵，再食個混帳（醬）腸粉。」佢哋仲去買咗一棵名為幸運樹的植物，之後再返屋企打機，其中一張相見翠如流鼻血，佢解釋可能為冬至太用心煮飯，留咗少少鼻血。簡單幾張開心相加幾句帖文，就完全感受到蕭家三口子嘅幸福。萧正楠黄翠如
【娛樂新聞臺】黃翠如冬至街邊嘆地道美食 獲老公陪打機開心流鼻血
