吳若希嚴寒下性感攻佛山 戴祖儀瘦身迎戰怕甩裙藝人吳若希（Jinny）日前於佛山開演唱會，更請來戴祖儀及張馳豪擔任嘉賓，Jinny全晚以多個造型示人，雖然當晚天氣寒冷，但她依然頂硬上，穿着閃閃tube dress示人，之後又換上黑色吊帶低胸晚裝裙，唱到Cookies的歌曲《心急人上》時，她更穿着露腰裝兼超短裙又跳又唱，就如啦啦隊一樣夠晒青春，全場high爆。佛山開演唱會，吳若希都即刻唔怕凍喇。Deep V再晒腿，索。另一套係大晒心形胸。有觀眾嘅熱情就夠暖喇。仲有呢套，似足啦啦隊。而戴祖儀上台跟她合照時，同以一身白色tube dress上陣，笑言鼻水都流埋，祖儀又對Jinny謂：「好大壓力呀！你不嬲知我有啲發台瘟㗎啦！所以即刻攬一攬你尋求安慰，同埋有一樣好重要嘅嘢，就係我瘦咗呀！」Jinny忍不住笑時，祖儀又謂：「點解你笑呀！我瘦咗呢！條裙鬆呀！我驚一陣大家見到啲唔應該見到嘅嘢，所以我依家用力扯住條裙。」不過祖儀都未唱夠喉，返到後台時，亦即時拉着張馳豪合唱兼拍片。戴祖儀（左）都以白色tube dress上陣。去到後台佢就同張馳豪玩到癲。吴若希戴祖仪
吳若希嚴寒下性感攻佛山 戴祖儀瘦身迎戰怕甩裙
