鍾柔美爆響口同姚焯菲開聖誕Party　 冇預炎明熹：我諗佢有工作

鍾柔美爆響口同姚焯菲開聖誕Party　 冇預炎明熹：我諗佢有工作鍾柔美（Yumi）今日（24/12）現身元朗出席音樂活動，Yumi透露明天聖誕節不用工作放假一天，已安排和家人及好友舉行聖誕派對：「聽日算係我休息時間，唔使工作。不過之後嘅日子又要工作。咁所以都會叫埋幾個朋友一齊過，又一齊食吓飯咁。（有冇Chantel（姚焯菲）？）有呀，有Chantel。（點解唔叫Gigi炎明熹？）我諗Gigi都有工作，同埋喺工作上大家都各有各做嘅，而佢都有佢嘅工作，變咗Gigi都應該忙緊佢嘅嘢，咁所以都冇特別咁去留意。」Yumi日前（21）剛踏入18歲生日，她表示：「其實我好想報考車牌，同埋好想試吓入投注站買彩票，想試吓碰吓運氣，睇吓有冇機會。（會唔會想談戀愛？）其實我就冇諗男朋友呢啲嘢，都係嗰句專注學業同工作。因為知自己冇乜時間，但好彩身邊有好多好朋友，喺我身邊支持我。」鍾柔美唔覺意爆響口同姚焯菲開聖誕party冇預炎明熹。（陳順禎攝）钟柔美