【明報即時】「東張女神」黎寬怡下月嫁圈外男友 過大禮物品擺滿客廳《東張西望》主持黎寬怡下月與圈外男友阿Sing結婚，兩人早前按傳統進行過大禮儀式。（大會提供）《東張西望》主持黎寬怡（貓仔）下月出嫁，與圈外未婚夫阿Sing舉行婚禮。兩位準新人日前按傳統習俗過大禮，鮑參翅肚、龍鳳鈪及嫁囍禮餅等，樣樣做到足，擺滿整個客廳。黎寬怡說︰「因為我係大女、我未婚夫阿Sing都係大仔，從未幫手做過過大禮，所以過大禮需要嘅物品連利市封點用都唔識分，全靠經驗豐富嘅婚禮策劃師同過大禮公司協助，教阿Sing點準備同帶齊工具幫手擺靚啲過大禮用品，先有咁靚咁得體嘅場面。」黎寬怡表示走出房間看見過大禮的物品時，感到非常震撼。她續說︰「由房間行出嚟嘅一刻，真係有被震撼到！第一次畀咁多禮物包圍，真係好驚喜好意外！過大禮當日嘅所有流程都有工作人員幫手，氣氛超好，爸爸媽媽極為滿意。媽媽見到啲佈置之後，興奮到立即換咗件靚衫出嚟『打卡』，而一向內斂嘅爸爸仲開心到一直幫我哋影相同拍片。好開心見到父母笑到見牙唔見眼，阿Sing都話好在有咁強大嘅團隊幫手，先可以咁順利。有大家一齊見證住我兩個呢個幸福時刻，真係好幸福。接住落嚟就要繼續忙2月婚禮嘅事，好多謝婚嫁專家好友們幫手，相信一切會順順利利。」（即時娛樂）
【明報即時】「東張女神」黎寬怡下月嫁圈外男友 過大禮物品擺滿客廳
