炎明熹消失台慶頒獎禮 現身廣州撐楊千嬅開騷《萬千星輝頒獎典禮2024》圓滿落幕，而去年奪得「最具潛質新人」獎及憑《新聞女王》主題曲《Crystal Clear》獲「最佳電視歌曲」獎嘅炎明熹（Gigi），消失近大半年嘅佢，今年亦未有現身頒獎典禮。炎明熹今年未有現身頒獎盛事。而喺去年以一身恤衫內搭黑Bra，配紅色絲襪Sharp爆全場，掀起全城熱話嘅Gigi，今年雖然未有出席頒獎典禮，但亦透過社交網分享同朋友北上廣州嘅飲食之旅，全程玩得盡興嘅佢，是次旅程更專程去睇楊千嬅巡迴演唱會尾場。去年紅色絲襪Sharp爆全場。原來去咗廣州玩。因《聲生不息》而同楊千嬅結緣相識嘅Gigi，亦喺社交網晒出楊千嬅台上片段道：「令人感動的晚上，恭喜你完成不簡單的任務，可以放鬆一下了。」而楊千嬅是次巡唱嘅廣州尾場，更刷新了當地場館嘅新紀錄，一次連開7場外，更係第一位女歌手，同時《MY TREE OF LIVE 世界巡迴演唱會》一共唱咗53場，總入場人次超過85萬，認真犀利。睇嚟心情不俗。原來去廣州係為咗睇楊千嬅演唱會尾場！炎明熹
炎明熹消失台慶頒獎禮 現身廣州撐楊千嬅開騷
