何晉樂否認零酬拍《愛．回家》 劉丹幫口：零蚊慘過奴隸！劉丹與何晉樂（Rock）今日（23日）出席《愛·回家之開心速遞》活動。劉丹透露年初一不用開工，會跟兒子劉愷威及孫女小糯米度春節：「年初一喺酒店訂咗兩、三間房同親友一齊團拜，所以農曆年不愁寂寞。」而Rock指父親有七兄弟姊妹，新年會筵開四、五圍一齊食飯及麻雀耍樂，他自認是長輩身份，但由於未婚，故不用派利是。對於外界盛傳劉丹每集6000元薪酬，成《愛》劇演員之冠，劉丹指公司已發聲明，自己不方便給意見，問到是否有6000元一集時，他即皺眉說：「我唔知，你哋估！」至於被傳零酬勞的Rock笑謂：「件事好好笑，我都有朋友傳短訊問我。總之我係零蚊以上。」劉丹稱香港有最低工資，若零蚊慘過奴隸，Rock即表示拍《愛．回家》是無價，認真識做。另外，有指無綫今年會加人工，劉丹直言：「聽咗好多年，問題係加幾多，佢加一蚊畀你都係加。（甄子丹喺《萬千星輝頒獎禮》上開口叫加人工。）佢講風涼話，佢大把錢，如果為我哋爭取更多，多謝佢！」劉丹避談片酬是否6千元。何晉樂笑指自己片酬絕對是「零蚊以上」。零蚊慘過做奴隸。刘丹何晉乐
何晉樂否認零酬拍《愛．回家》 劉丹幫口：零蚊慘過奴隸！
