愛回家｜姚焯菲敬業病住照開工　劉丹呂慧儀讚表現好：真係好乖女

愛回家｜姚焯菲敬業病住照開工　劉丹呂慧儀讚表現好：真係好乖女《愛．回家之開心速遞 》今日（23/01）同大家拜早年，一班劇中演員「龍家」及「熊家」都盛裝出席。新加入於劇中飾演熊家遠房親戚的姚焯菲（Chantel）今日亦有出席，不過她就因為身體不適而未能受訪。據知姚焯菲發燒，為免令大家失望，所以病住都堅持出席活動，十分敬業。姚焯菲病住出席活動，好敬業。（葉志明 攝）活動中，她介紹自己的角色，還錯口將「飾演」講成「息影」，看來真的是「病到暈暈哋」，所幸一班「愛回家」家人迅速補位。呂慧儀（飾 熊若水）也大讚姚焯菲悟性很高，很快就融入了這個大家庭。呂慧儀說：「同埋佢真係好乖女，我都同你個表姨媽講兩句，你咁聰明，希望你可以照顧多啲佢個比較蠢嘅仔，安仔。」姚焯菲發緊燒。（葉志明 攝）熊家話事人劉丹（飾 熊樹根）也表示一直都有留意姚焯菲的表現，直言：「因為你之前有個素素（古佩玲），佢入嚟嗰時三兩日已經好投入，追晒入嚟。你又新入嚟，我睇吓你點，結果兩個都不相伯仲。」豹哥單立文又說：「其實佢唔應該咁醒目！」笑言今年表現不要太好，下年再加把勁，那麼下年的「飛躍進步女藝人」獎就會屬於她。見到姚焯菲真係冇乜精神。（葉志明 攝）