獲佘詩曼錫住無壓力 周嘉洛一日來回切換廢青安與法官藝人周嘉洛與譚耀文近日跟佘詩曼（阿佘）在新蒲崗街頭拍攝無綫新劇《正義女神Themis》，身穿西裝及戴上眼鏡的嘉洛打扮成熟，他透露在劇中飾演法官，對他來說非常新鮮：「我本身個幽默感生咗喺個樣上面，要控制住唔好令個幽默感散發出嚟，所以都難，都花咗啲工夫。（同阿佘合作有冇壓力？）冇壓力，佢氣場好強，但唔係亂用，佢錫住我哋，唔會畀對手壓力。而且我畀自己首要任務就係唔好有壓力，因為我飾演法官，如果怯場嘅話，會畀人感覺唔專業。」嘉洛稱拍攝《正》劇同時拍攝《愛．回家之開心速遞》，由於兩個角色頗為極端，同一日要來回切換，他認為是個很好的體驗：「試過通頂拍完《正義女神Themis》，接住拍《愛．回家》可能頭兩場嘅energy未返到嚟，而且兩套劇嘅節奏好唔同。（今次套劇最難忘係咩？）法庭戲幾難忘，因為我冇呢個經驗，法官係好有威嚴嘅職業，呢啲場口令我覺得好正。」周嘉洛大讚阿佘是好前輩，不會給對手壓力。兩人合作愉快。向來搞笑的周嘉洛在新劇中難得嚴肅演法官。另外，譚耀文則飾演檢控官，亦是阿佘的丈夫，今次是兩人相隔20年再度合作，他說：「上次冇咁多對手戲，今次好多層面，我以為夫妻好簡單，但原來唔係，中間好多波折，情緒上好豐富。」他指雖然有20年未有拍無綫劇，但完全沒有不適應：「我哋今次拍攝食得好好，瞓得好好，精神飽滿咁開工。（可以考慮再拍？）唔到我考慮，今次都係機緣巧合，好珍惜呢個緣分。」譚耀文相隔20年再拍無綫劇。譚耀文跟佘詩曼在劇中飾演夫妻。佘诗曼谭耀文周嘉洛
獲佘詩曼錫住無壓力 周嘉洛一日來回切換廢青安與法官
