羅子溢楊茜堯罕晒拜年情侶裝 獲選北美民選視帝視后藝人羅子溢與太太楊茜堯（堯堯）一家四口，趁蛇年新歲拍攝了一輯賀年照，並上載到社交平台向大家拜年。子溢與堯堯罕有地穿上情侶裝，以同款不同色毛衣亮相，放閃無限，囡囡「小珍珠」穿上中國服特別醒神，囝囝Eden一身鮮紅打扮亦顯得額外可愛。羅子溢同楊茜堯少有地着情侶裝。談到這輯賀年照，子溢透露：「每逢大時大節我哋都會影全家幅，諗住留起嚟等對仔女長大後畀佢哋睇番，所有回憶都會重現。其實我心情好矛盾，既想佢哋快高長大，同時亦唔捨得佢哋大得咁快，不過見到佢哋開開心心咁，我哋做父母嘅已經好滿足同感恩喇。」另外，子溢與堯堯早前雖大熱倒爐，未能夫妻檔於頒獎禮上「稱帝封后」，但原來二人早前於「投選北美視帝視后活動」票數一枝獨秀，攜手登上「民選帝后」寶座。對於大家的支持及認同，子溢及堯堯自然心存感激，承諾會繼續努力演好戲回餽觀眾。齊齊當選北美視帝視后，威。每逢大時大節都影全家幅！一家團圓最緊要。杨茜尧罗子溢 平安喜乐
羅子溢楊茜堯罕晒拜年情侶裝 獲選北美民選視帝視后
