傅嘉莉雙喜臨門　感激粉絲不離不棄

傅嘉莉雙喜臨門　感激粉絲不離不棄早前奪得最佳女配角的藝人傅嘉莉（Kelly）近日舉行粉絲聚會，慶祝她生日及得獎，粉絲安排了蛋糕及鮮花，又拉起手幅等應援物，相當有心，Kelly坦言：「粉絲一直好想同我慶祝生日，但人愈大就愈冇儀式感，不過適逢今年攞咗個獎，所以就搞個聚會見吓大家，雖然撞咗新年，但好多人都抽空同我慶祝。我好感激粉絲一直對我不離不棄，好多人係由細睇到我大，由我第一部劇就開始支持我，真係好開心見到大家。」她感恩有班長情的粉絲，亦自認是長情之人：「我隻貓今年22歲，陪咗我22年，工人姐姐都照顧咗我15年，助手同粉絲都係10年以上，我係個唔鍾意改變嘅人，希望大家嘅愛一直不變。」出席完粉絲聚會後Kelly又跟家人一齊食海鮮慶新年，度過有愛一日。傅嘉莉早前獲得最佳女配角獎，可喜可賀。傅嘉莉舉行粉絲聚會。傅媽媽都有到場。粉絲為她慶生。傅嘉莉跟家人食海鮮賀新年。仲有中式蛋糕。大飽口福。傅嘉莉 好运连连