【明報即時】馬國明認「鐵馬」私下難齊人 呼籲廣告客戶出手促成美事馬國明坦言「鐵馬家族」的確難約齊人聚會，笑言客戶可以邀請出席活動，他們必定齊人現身。（資料圖片、鍾偉茵攝 / 明報製圖）馬國明今天（9日）現身沙田馬場「TVB賽馬日」時，表示農曆新年忙參與賀歲片《麻雀女王追男仔》謝票活動，聽到觀眾看戲時發出笑聲就開心。馬國稱未因《麻》的香港票房不理想而失望︰「呢套戲喺馬來西亞成績理想，每個地方嘅觀眾口味都唔同。」高海寧續說︰「可惜去唔到馬來西亞宣傳，估唔到大家咁鍾意睇。當地賀歲片競爭更大，所以當地觀眾好開心，可以日日有唔同賀歲片睇，希望香港觀眾睇完我哋呢一套，都會睇其他賀歲片。我已睇晒，自己畀錢支持。」提到近日有網上影評說今年的港產賀歲片成績差是正常，馬國明說︰「每個人嘅標準都唔同，我覺得賀歲片唔使拍到攞獎戲咁深奧。當然，香港有言論自由，但覺得冇需要回應。」對於鄭嘉穎早前再缺席「鐵馬家族」聚會惹不和傳聞，馬國明說︰「確係好難約齊人﹗如果大家想見我哋出現，可以請我哋一齊出席活動，我哋一定齊人，嘉穎會帶埋3個仔出嚟添﹗我哋好平，開心價。」kennethma马国明
【明報即時】馬國明認「鐵馬」私下難齊人 呼籲廣告客戶出手促成美事
