姜皓文夫妻檔上陣 炮製賀歲片拍到火都嚟藝人姜皓文與太太殷寧今年雙劍合璧炮製賀歲片《哈哈哈新年喜戲》,兩人聯合擔任監製之餘,姜皓文與殷寧分別兼任主演與編劇。今次的劇本其實是殷寧作為結婚25周年送給姜皓文的禮物,靈感來自姜皓文小時候在兒童院的各種幻想,殷寧說:「佢一人分飾兩角,一個忠一個奸,因為佢之前都係演啲比較沉重嘅角色,好耐冇拍過搞笑開心嘅戲,點知結果係一樣咁沉重,觀眾會睇得好開心,佢埋位時係開心笑,但鏡頭後佢都係好沉重去設計角色。」姜皓文夫妻檔上陣。今次是兩人首次夫妻擋上陣,摩擦在所難免,姜皓文不諱言:「我同佢都有火氣都喺度,有時講一兩句,就會話算喇!(邊個讓步?)呢方面大家好合拍,好自然有一個會讓步。」殷寧笑言這套戲更治好了困擾對方多年的失眠:「你話佢乜都好,佢返去到啪一聲瞓咗,瞓醒覺尋日講過啲乜都唔記得。」姜皓文補充謂:「好似斷片咁,真係好攰,個人又好大壓,每日要處理好多問題。」問到最大的壓力來源,他指其中之一是手握投資者資金,要看着全盤數,控制成本很重要,他續指:「要令成件事成功係好困難,要同唔同部門去商量,人與人溝通係好複雜。」講到票房壓力,他自言已盡力去做,票房不在他控制範圍內:「觀眾口味好難估,每部戲都有佢條命,要睇吓佢條命係點。」他認為今次是一個很大的挑戰及學習,在演員崗位永遠看不到,原來一部電影的誕生毫不簡單。拍到火都嚟。雖然姜皓文大嘆做監製艱難,但問到他會否再做時?他堅定地說:「會,好似上咗癮咁。」殷寧即問會否再受她玩,他笑言:「諗吓先,你表現咁好點會唔用你。其實除咗喺劇組學咗好多嘢,喺太太身上亦都學到好多。」他強調除了幕後工作,同時不會放棄幕前演出:「我會做到行動不便,聽唔到導演嗌action先唔做,暫時體力上都可以兩邊應付到。」姜皓文大嘆監製難做。殷寧都有火氣。姜皓文與殷寧平日相當恩愛,不過一齊工作就各不相讓。姜皓文分別擔任主演與編劇。姜皓文和宣萱戲中擦出火花。髮型、化妝:Jove Shek、Manman Fong服裝:DEGAIA HK場地:Le Monde Restaurant姜皓文