李施嬅分手 姚子羚：單身都可以快樂藝人姚子羚與陳山聰今日（9日）現身活動時，對於好友李施嬅宣布分手，兩人均表示不知情，跟施嬅同為「胡說八道會」成員的子羚坦言：「真心唔知，我諗到冇諗過施嬅宣布分開，都好愕然，因為佢哋都好耐，作為姊妹，佢自己選擇咗一個佢認為最適合嘅決定。」問到二人是否很久沒見，子羚稱早前才跟施嬅及馬德鐘夫婦一齊相約食素：「佢冇特別喎，佢掛住拍片，我掛住食，又同德鐘兩公婆傾吓素食同營養經，都冇時間同佢私下兩個人傾偈，佢有呢個宣布應該係考慮得非常清楚，唔緊要啦，有我陪佢，單身都可以有單身快樂，單身搵姊妹食飯，搵到另一半就同另一半開心吓。」山聰謂會祝福及給予對方空間，問他可會為施嬅物色好對象，子羚笑言：「佢應該冇乜貨。」山聰亦推波：「你哋去搵Bob（林盛斌）算啦，佢真係好勁。」子羚認同說：「不如佢搞間金牌媒人公司。」問到子羚會否就此事聯絡施嬅？她稱不會刻意，想給對方空間：「既然佢都宣布得，佢都係一個成年人，佢有需要會搵我哋，我唔會刻意去搵，如果見到面就大家傾兩句，佢係一個好有自己想法同好堅強嘅女孩子。」李施嬅宣布分手。姚子羚與陳山聰都唔知情。姚子羚認為單身都可以快樂。陳山聰唔會幫李施嬅物色對象。譚俊彥（左起）與姚子羚、陳山聰合照。姚子羚陈山聪李施嬅
李施嬅分手 姚子羚：單身都可以快樂
