大S感染流感日本逝世 林曉峰滑雪未驚過會染疫：我係幾謹慎嘅人林曉峰（阿Lo)今日（11/2）現身香港電台電視大廈出席港台電視31《中華知識王》 名人賽錄影。被問到新春假期出國旅行滑雪，阿Lo接受《香港01》訪問時笑言：「其實每次去完旅行，我都會盡量令自己唔記得去咗邊，因為我想快啲開工，唔鍾意放假。（係因為放假要使錢？）唔係，因為放假冇增值，呢次滑雪我都玩咗差唔多一個星期。（都係去咗日本 ？）都係，其實我都想去吓周圍滑雪，我知北京，東北嗰邊有好靚嘅滑雪場，反而我好期待香港有一日都有滑雪場。」林曉峰、糖妹、鄧月平和張小倫今日現身香港電台電視大廈出席港台電視31《中華知識王》 名人賽錄影。（吳子生攝）被問到得知徐熙媛（大S）在日本感染流感肺炎離世消息後，會否擔心自身安全？阿Lo表示：「首先過咗去嘅新聞我哋唔好再講，同埋希望所有人都安安全全，大家都順順利利。（當時會唔會擔心自己都會病？）本身我自己都係一個幾謹慎嘅人嚟，咁所以一路都要小心，同埋謹謹慎慎。」林曉峰新春期間到日本旅行滑雪。（吳子生攝）林晓峰
大S感染流感日本逝世 林曉峰滑雪未驚過會染疫：我係幾謹慎嘅人
