吳謹言被爆已產女 四月坐完月即刻復工入劇組內地頂流女星吳謹言去年9月官宣跟演員洪堯結婚後，疑奉子成婚，多次肚凸凸現身新劇宣傳，而其老闆于正則透露吳謹言12月新劇煞拜後休息一個月左右，之後已為佢安排咗3月開拍另一套新劇。尋日（16日）網上更瘋傳35歲吳謹言已產女，於春節神隱一個月，升級為幸福的一家三口。網上瘋傳吳謹言已經生女，依家仲坐完月。佢由去年12月開始冇再現身，于正就話佢4月會參與一套三字名稱嘅S+大劇。吳謹言去年剛官宣結婚，今年就喜提「小棉襖」，唔少粉絲雖然唔睇好，更惹嚟脫粉潮，不過仍有好多粉絲希望佢調理好身體後，都可以繼續事業發展，而粉絲嘅心意，吳謹言都收到晒，因為于正再表示吳謹言4月會參與一套三字名稱嘅S+大劇，網上就有傳係改編自《江山為聘》嘅新劇《御廷謠》，爆料者更稱吳謹言已經坐完月，Ready好準備開拍。3個星期前佢晒嘅自拍面圓圓。網友稱佢會拍《御廷謠》。過多個半月就會知真假。#吴谨言#
吳謹言被爆已產女 四月坐完月即刻復工入劇組
