楊丞琳毫無預警晒婚照 自揭同李榮浩已偷偷搞婚禮台灣藝人楊丞琳2019年下嫁內地歌手李榮浩，二人由拍拖到結婚都愛低調，期間遲遲未舉行婚禮，外界都好好奇婚宴進度，點知楊丞琳今日（18日）毫無預警上載婚照自爆：「婚禮一周年。」令大批粉絲驚呼「甚麼時候悄悄辦的？」當中更見到其所屬女團4 In Love成員黃小柔留言：「超級感動 幸福指數100000000❤️」似乎兩公婆去年已偷偷搞婚禮，並只邀請圈中相熟親友出席。楊丞琳同李榮浩2019年已成婚，不過就未有擺酒。而佢所晒嘅婚照，只見到佢同李榮浩背影，二人一分別着上純白婚紗及禮服，身旁仲有一條浪漫白色長樓梯，李榮浩更一手搭住楊丞琳膊頭，Sweet到爆mon。唔少粉絲都跪求女神晒出二人正面照，想睇到佢哋嘅幸福笑容。點知原來佢哋上年已經搞咗婚禮。身邊好友個個知。幾時再晒正面相呀？#杨丞琳#李荣浩
楊丞琳毫無預警晒婚照 自揭同李榮浩已偷偷搞婚禮
